ايه هي خريطة مخاطر مصر؟ خريطة مخاطر مصر هي مشروع على المستوى القومي قائم على العمل المجتمعي يقوده فريق “أحمس” للمتطوعين. فكرة المشروع هي تحديد أماكن المخاطر بأنواعها المختلفة على خريطة إلكترونية للتعامل مع تلك المخاطر بتخفيفها ثم حلها نهائياً.
ايه هي المخاطر؟
المخاطر هي الوضع الذي يشكل تهديداً للحياة أو الصحة أو الممتلكات أو البيئة. معظم المخاطر هي كوارث محتملة، وقد تتحول فجأة إلى أزمة مما قد يودى بحياة إنسان.
ايه فايدة الخريطة؟
1. ان كل واحد يعرف المخاطر اللي حواليه وياخد باله منها
2. ان المعلومات تكون متاحة لأي فرد أو مؤسسة عايزة تساعد
3. إن كلنا نساهم فى ان مصر تبقى اكثر أماناً واستعداداً
كيفية استخدام الخريطة؟
فى طريقتين:
1) الطريقة الأولى: عن طريق الـ GPS (تحديد اوتوماتيكى لموقع الخطر) لو قابلك أي خطر، طلع موبايلك وادخل على موقعنا وبلّغ عنه، ساعتها مكان الخطر هيتحدد لوحده بالـ GPS وممكن تاخد صورة وتبعتها مع البلاغ.
2) الطريقة التانية: عن طريق تحديد موقع الخطر على الخريطة مباشرةً ادخل على www.egypthazardmap.net من أي جهاز كمبيوتر أو موبايل وبلّغ عن الخطر
* المخاطر بيتم مراجعتها من قبل فريق أحمس ثم يتم اظهارها على الخريطة